
Левиот бек на Реал Мадрид, Ферлан Менди, ќе биде надвор од терените од три до четири недели. Причината за тоа е мускулна повреда на левата нога, која Французинот ја заработи за време на вчерашниот реванш од осминафиналето на Лигата на шампионите против Атлетико Мадрид.
Овој натпревар беше јубилеен, 200-ти за Менди во дресот на кралскиот клуб. Тој беше заменет од Фран Гарсија во 83. минута на дуелот на „Сивитас Метрополитано“.
„По тестовите направени денес, кај Ферлан Менди беше дијагностицирана мускулна повреда на задната ложа на левата нога“, стои во официјалното соопштение на клубот.
Од „Бернабеу“ не прецизираат колку долго ќе трае неговото закрепнување, но според шпанските медиуми, тој ќе пропушти најмалку четири натпревари на Реал.
Целта е да биде подготвен за првиот четвртфинален дуел од Лигата на шампионите против Арсенал, кој ќе се игра на 8 април. Ако се исполни попесимистичката прогноза, Менди ќе биде подготвен за 16 април.

-
МАКФУДБАЛ ТИМ НА КОЛОТО ВО ПРВАТА ЛИГА
Шкендија мина прва низ целта, и ако се погледне целата сезона, сосема заслужено се...
Автор makfudbal
-
(ИН)ДИРЕКТ: Ќе си ја земам топката и ќе си одам – Кај ќе одиш, на апарати?!
Кај нас во маало, а верувам и во други маала низ нашава Македонија, најубавата...
Автор Nikola Gjurovski