Тренерот на Фенербахче, Жозе Мурињо, поднесе тужба против Галатасарај поради обвинувањата од овој клуб дека за време на дербито расистички ги навредувал противничките фудбалери.
Португалецот вчера беше казнет со 42.500 евра и суспендиран на четири натпревари поради изјавата дека „противниците скокале како мајмуни“, а потоа ги критикуваше и домашните судии, велејќи дека „ќе беше катастрофа ако судеше Турчин“.
Мурињо поднесе жалба поради нарушување на личните права и од ривалот бара 1.907.000 лири, што е околу 50.000 евра. Бројката е симболична бидејќи ја содржи годината на основањето на Фенербахче – 1907.
