Жерар Пике, пензионираната легенда на Барселона и шпанската репрезентација, гостуваше во подкастот на Икер Касилјас и изнесе идеја која би требало да спречи натпреварите да завршуваат со резултат 0-0. Поранешниот стопер предлага тимовите чии натпревари завршуваат без голови да не освојуваат ниту еден бод.
Наместо да добијат по еден бод, како што е случај сега, Пике е убеден дека ако екипите останат без бодови при нерешен резултат без голови, тоа ќе ги натера да атакуваат на победа во финишот на натпреварот.
„Не може да дојдеш на фудбалски стадион, да потрошиш 100 €, 200 € или 300 €, а мечот да заврши 0-0. Нешто мора да се промени. Еден предлог за разгледување би бил дека ако натпреварот заврши 0-0, тимовите да не добијат бод. Во 70. минута мечот би се отворил“, сигурен е поранешниот шпански фудбалер.
