Американскиот репрезентативец Кристијан Пулишиќ постигна договор со италијанскиот клуб Милан за продолжување на неговиот договор со подобрени финансиски услови.
Според информациите, новиот договор ќе трае до крајот на сезоната 2028/29, а платата на Пулишиќ ќе се зголеми на околу 5 милиони евра годишно, што ќе го направи еден од најплатените фудбалери во Милан.
Пулишиќ беше доведен од Челси во летото 2023 година за 22 милиони евра и оттогаш се наметна како клучен играч за „росонерите“.
Во тековната сезона, тој е најдобар стрелец на тимот во сите натпреварувања заедно со Тијани Рејндерс, двајцата постигнаа по 12 голови.
Во Серија А, Пулишиќ има шест голови и шест асистенции.
