Манчестер Сити размислува да се раздели со својот прв голман Едерсон ова лето и да го замени со Диого Кошта од Порто. Оваа одлука е дел од поширока стратегија за обновување на тимот, откако во јануари клубот донесе нови играчи во сите линии.
Оваа сезона менаџерот Пеп Гвардиола често му даваше предност на Стефан Ортега пред Едерсон, но и двајцата голмани беа критикувани за своите настапи.
Диого Кошта, 25-годишен португалски репрезентативец, е главната цел на „граѓаните“.
Според информациите, Манчестер Сити веќе воспоставил првичен контакт со претставниците на Кошта. Голманот има договор со Порто до 2027 година, а неговата ослободителна клаузула изнесува околу 75 милиони евра.
Во мај 2024 година се појавија шпекулации за можен трансфер на бразилскиот голман во клуб од Саудиска Арабија, при што се споменуваше понуда од 25 милиони фунти.
