Тренерот на Барселона, Ханси Флик, зборуваше по победата на неговиот тим со 0-2 против Лас Палмас во натпревар од 25. коло на шпанската Ла Лига.
„По натпреварот се чувствувам уморен. Не игравме на најдобро ниво. Беше многу тежок натпревар, но сè е во ред“, изјави Флик.
Каталонците тешко стигнаа до победата, а и во првиот меч оваа сезона против Лас Палмас имаа проблеми, па тогаш загубија со 1-2.
„Затоа ги имаме играчите на клупата. Тие имаат квалитет да постигнуваат голови, тоа е нивната работа. Понекогаш ова е најдобриот начин – да ни помогнат. Но, дали некои ќе играат, а други не, тоа зависи од мене. Голот на Олмо беше многу важен и за нас и за него. Неговото влегување во игра беше позитивен момент“, додаде Флик.
Со оваа победа, Барселона се врати на првото место, со еден бод предност пред второпласираниот Атлетико Мадрид.
„Мислам дека 5-10% секогаш зависат од поседот на топката и контролата. Не игравме онака како што посакувавме, па имавме повеќе проблеми од вообичаено“, заврши Флик.
