Арсенал ги разочара своите навивачи со неочекуван пораз од Вест Хем (0-1) во лондонското дерби, правејќи голем чекор назад во борбата за титулата во Премиер лигата.
„Топчиите“ немаа пораз на домашен терен уште од април 2024 година, кога загубија од Астон Вила, но не успеаја да ја продолжат позитивната низа.
Победничкиот погодок на „Емирати“ падна во 44. минута, кога Ван Бисака асистираше до Џеред Боувен, кој ја затресе мрежата на Арсенал.
Во второто полувреме ситуацијата дополнително се влоши за тимот на Артета поради црвениот картон на Луис-Скели.
Тотенхем убедливо го победи Ипсвич на гости со 1-4. Брајтон исто така славеше убедливо против Саутемптон со 0-4, а Вулверхемптон освои три бода со минимален триумф кај Борнмут (0-1). Фулам загуби на домашен терен од Кристал Палас (0-2).
