Голманот на Интер, Јан Зомер, беше подложен на операција. Швајцарецот има скршен прст, што наложи хируршка интервенција за решавање на проблемот. Веста беше потврдена и од клубот.
Операцијата беше извршена вчера во „Хуманитас Про Институт“ во Милано. Веќе во следните денови, Зомер ќе започне рехабилитација со цел што побрзо да се врати на теренот.
Првичните прогнози се дека 36-годишниот чувар на мрежата ќе отсуствува најмалку три недели. Во негово отсуство, на голот на Интер ќе застане вториот голман, Хосеп Мартинес.
Зомер сигурно ќе ги пропушти натпреварите против Џенова, Лацио, Наполи, Феенорд и Монца. Постои мала надеж дека ќе биде подготвен за дуелот со Аталанта на 16 март, но поверојатно е неговото враќање да се случи на 30 март, кога Интер ќе се соочи со Удинезе.
