Тренерот на Јувентус, Тијаго Мота, би можел да биде отпуштен, пишуваат италијанските медиуми.
Раководството на „бјанконерите“ е незадоволно по елиминацијата од ПСВ во плејофот за Лигата на шампионите, што го доведува во прашање останувањето на Мота на клупата.
Достигнувањето на осминафиналето во ЛШ било една од главните цели за тренерот, анализираат медиумите на Апенините.
Тијаго Мота ја презеде клупата на Јувентус во летото 2024 година, откако претходно ја водеше Болоња. По 22 одиграни кола, тимот од Торино е на четвртото место во Серија А со 46 бодови од 25 натпревари. Во следниот меч, Јувентус ќе се соочи со Калјари во италијанското првенство.
