Барселона ја разгледува можноста за доведување на Томас Парти. Играчот за врска на Арсенал, кој на лето ќе наполни 32 години, останува без договор, а Барселона внимателно ја следи ситуацијата и размислува да го ангажира како слободен играч.
Според шпанските медиуми, Каталонците веќе постигнаа договор со Џонатан Тах, кој исто така ќе пристигне без обесштетување како засилување во одбраната. Тах ќе ја зголеми конкуренцијата во одбранбената линија, каде што веќе се Пау Кубарси, Ињиго Мартинез, Роналд Араухо, Ерик Гарсија, а се очекува заминување на Андреас Кристенсен.
Што се однесува до Парти, неговото искуство може да биде од корист за подмладениот среден ред на Барса. Сепак, прашање е колку би играл, со оглед на тоа што Френки де Јонг е главна фигура во тимот. Но, постои можност тој да биде продаден во Ливерпул.
Парти пристигна во Арсенал во 2020 година од Атлетико Мадрид за 50 милиони евра, но неговата иднина во Лондон изгледа неизвесна. Евентуалното враќање во Ла Лига и за него би претставувало одлична опција.
