Робин Ван Перси ќе биде новиот тренер на Феенорд, клубот каде што ја започна и заврши својата играчка кариера. Тој ќе го замени Паскал Босхарт, кој како привремен тренер го стабилизираше тимот по отпуштањето на Бриан Приске и успеа да го елиминира Милан во Лигата на шампионите.
Во моментов, 41-годишниот Ван Перси е главен тренер на Херенвен, позиција што ја презеде во мај 2024 година. Неговиот асистент во Феенорд ќе биде Рене Хаке, кој претходно ја извршуваше истата улога во Манчестер Јунајтед за време на мандатот на Ерик тен Хаг. Двајцата ќе потпишат договори со важност до 2027 година.
Ова назначување претставува значаен чекор во тренерската кариера на Ван Перси, кој по завршувањето на играчката кариера во 2019 година, работеше како тренер во младинскиот погон на Феенорд, пред да стане главен тренер на Херенвен.
