Британската компанија за спортски анализи и статистика „Опта“ не го дочека ниту ждребот за осминафиналето од Лигата на шампионите и веќе објави список со фаворити за освојување на трофејот. По завршувањето на плејофот и утврдувањето на 16-те тима што ќе се борат за титулата, суперкомпјутерот ја даде својата прогноза.
Иако Реал Мадрид го елиминираше Манчестер Сити со одлична игра на „Бернабеу“, „Опта“ не ги смета „кралевите“ за апсолутни фаворити.
Ливерпул е најголем фаворит за освојување на Лигата на шампионите со 20,2% веројатност, следен од Арсенал (16,8%), Барселона (12,7%) и Интер (12,4%). Реал Мадрид е на петтото место со 10,5% шанси за трофејот, додека градскиот ривал Атлетико Мадрид е деветти со 3,8%. Пред тимот на Чоло Симеоне се тимови како Пари Сен Жермен, Баер Леверкузен и Баерн Минхен, чии проценти се движат меѓу 5% и 10%.
На дното на оваа листа се Астон Вила, Лил, Бенфика, ПСВ Ајндховен, Борусија Дортмунд, Клуб Бриж и Феенорд, со помалку од 1% шанси за триумф во елитното европско натпреварување.
