Ливерпул не успеа да извлече цел плен од гостувањето кај Астон Вила,играјќи 2-2 во возбудлив дуел од 29. коло во Премиер – лигата.
„Црвените“ први поведоа преку Мохамед Салах во 29. минута, но Астон Вила направи брз пресврт со головите на Јури Тилеманс и Оли Воткинс до крајот на првото полувреме.
Во вториот дел, Ливерпул успеа да израмни преку Трент Александер-Арнолд, кој погоди од околу 15 метри по асистенција на Салах.
До крајот, двата тима имаа шанси за победа, а Ливерпул можеше да стигне до три бода, но Дарвин Нуњез промаши голема шанса пред празната мрежа.
Ова реми повеќе одговара на Астон Вила, додека Ливерпул сега му дава можност на Арсенал да ја намали бодовната разлика во борбата за титулата.
