Хари Кејн одигра само едно полувреме за Баерн Минхен во реваншот од Лигата на шампионите против Селтик (1-1). Англискиот напаѓач беше заменет на полувремето поради повреда.
Кејн почувствувал болка во листот, а според германските медиуми имал и проблеми со зглобот, поради што не можел да спринта.
По натпреварот, Кејн кратко изјави: „Добро сум“, додека го напушташе стадионот.
Тој додаде: „Ќе направиме прегледи и ќе видиме каква е ситуацијата. Не сум сигурен дали ќе можам да играм против Ајнтрахт в недела“.
Тренерот на Баерн, Венсан Компани, изјави дека засега нема јасна слика за состојбата на Кејн и дали ќе биде подготвен за следните натпревари.
