Шпанскиот прволигаш Валјадолид донесе одлука да го отпушти својот тренер Диего Кока, соопштија од клубот. Оваа одлука доаѓа по разочарувачката серија на тимот, кој загуби пет натпревари по ред и се наоѓа на дното на табелата.
Кока беше назначен на 14 декември со договор до крајот на сезоната, но не успеа да ги подобри резултатите на екипата. Под негово водство, Валјадолид одигра осум натпревари, од кои победи само на еден. Последниот пораз од Севилја со 0-4 дополнително ја влоши ситуацијата, а тимот беше елиминиран и од Купот на Шпанија од третолигашот Оуеренсе.
За привремен тренер е назначен Алваро Рубио, кој претходно го предводеше тимот по заминувањето на Пауло Пецолано во ноември. Управата на клубот ќе работи на пронаоѓање на нов стратег кој ќе се обиде да го спаси тимот од испаѓање.
Валјадолид во моментов се наоѓа на последното место во Ла Лига и ќе се обиде да ја прекине серијата на негативни резултати во следните натпревари.
