Раководството на ФК Гостивар излезе со официјално соопштение во пресрет на стартот на пролетниот дел од сезоната, изразувајќи жалење што тимот повторно нема да игра на својот домашен стадион во Гостивар, туку ќе мора да ги одигра своите натпревари во Скопје.
Во соопштението се потврдува дека клубот останува фокусиран на остварување на својот долгогодишен план, кој вклучува освојување на шампионската титула во Македонија за 3-4 години. Тоа е нивната единствена цел и амбиција.
Дополнително, се нагласува дека кога Гостивар ќе ја освојат титулата, клубот ќе ги игра своите европски натпревари во Скопје, најверојатно на Арената “Тодор Проески”.
