Барселона ја оствари 15. победа во Ла Лига оваа сезона откако славеше убедливо на гости против Севилја со 1-4. Тимот на Ханси Флик сега се доближи на два бода негатива до лидерот Реал Мадрид, и само бод помалку во однос на второпласираниот Атлетико Мадрид.
Левандовски во седмата минута донесе водство за Барса, но Севилја израмни само што тргна од центарот. Стрелец беше Варгас.
Сепак, во второто полувреме Барселона го реши мечот во своја корист, а играше во одреден период и со играч помалку. Исклучен беше Фермин Лопез, кој влезе на почетокот на второто полувреме, веднаш постигна гол, а потоа заработи и црвен картон. Третиот гол за Барса беше дело на Рафиња со одличен удар од далечина во 55.минута, а точка на триумфот стави Ерик Гарсија со погодокот во 89.минута.
