Покрај загубените двa бода за Арсенал во ремито (2-2) со Астон Вила, уште една лоша вест за Микел Артета е повредата на дефанзивецот Вилијам Салиба.
Салиба не беше во составот на „топчиите“ откако заработи повреда при победата од 2-1 над Тотенхем во средината на неделата. Французинот е клучен дел од одбраната на Арсенал, а неговото отсуство поради повреда на грбот во втората половина од сезоната 2022/23 ги поткопа шансите на тимот да остане конкурентен со Манчестер Сити во трката за титулата.
„Мислам дека утре ќе имаме повеќе информации. Ќе направиме повеќе тестови и ќе бидеме посигурни во врска со ситуацијата. Секако, загрижени сме, особено гледајќи ја нашата клупа за резерви. Многу сум загрижен“, изјави менаџерот Артета.
Арсенал водеше со 2-0 против Астон Вила, но тимот од Бирмингем успеа да израмни со голови на Јури Тилеманс и на Оли Воткинс.
