Арсенал направи уште еден погрешен чекор во трката за титулата откако одигра само 2-2 на „Емирати“ против Астон Вила. Тимот на Микел Артета имаше предност од 2-0, но дозволи да прими два гола и на крајот мораше да се задоволи само со реми.
Габриел Мартинели го отвори резултатот во 35.минута, а Каи Хаверц во 55.минута постигна втор гол за „топчиите“. Тогаш веројатно помислија дека веќе ги освоиле трите бода.
Но, така не мислеше и Астон Вила. Јури Тилеманс со удар со глава ја врати надежта во 60.минута, а осум минути подоцна Оли Воткинс израмни на 2-2.
До крајот, Арсенал напаѓаше, беше постигнат гол, но и не беше признат поради игра со рака на Каи Хаверц, а Мерино го погоди и дирекот.
