Вардар продолжува со ангажирањето на нови играчи за пролетниот дел од сезоната. Третото засилување за најтрофејниот клуб е левиот бек Михаил Маневски.
Маневски, кој има 25 години, во првата половина од сезоната играше за Тиквеш, додека претходно настапуваше за тимовите на Академија Пандев, Брегалница, Шкендија, Силекс и за Гостивар.
Неговите фудбалски почетоци се поврзани со младинската школа на Академија Пандев.
Пред ова засилување, Вардар веќе ги обезбеди услугите на словачкиот стопер Михал Пинтер, кој дојде од Шкупи, и десниот бек Георги Јанкулов, кој настапуваше за АП Брера. Вардар е во завршни преговори и со Фаустин Сенгор, стоперот кој своевремено играше за Шкупи.
