Челси постави цена од 120 милиони евра за играчот од средниот ред Енцо Фернандез, а Реал Мадрид внимателно ја следи ситуацијата и покажува голем интерес.
Според медиумите на Островот, Челси го известил шпанскиот гигант за сумата што ја бара за аргентинскиот играч од средниот ред. Реал Мадрид има потреба од засилување во средниот ред и го идентификувал Аргентинецот како потенцијална опција.
Со приближувањето на пензионирањето на Лука Модриќ и нецелосното вклопување на Аурелиен Чуамени, „кралевите“ бараат играч кој ќе може да ја контролира играта и да го диктира темпото на тимот.
Фернандез, кој има 23 години, долго време е во фокусот на интересот на Реал Мадрид. Тие се обидоа да го потпишат уште кога беше дел од Ривер Плата, пред неговиот трансфер во Бенфика.
Ситуацијата на Енцо Фернандез во Челси би можела да го направи трансферот уште поверојатен, бидејќи иако е одличен играч, не добива доволно минутажа под водство на Енцо Мареска.
