Фудбалската репрезентација на Македонија се подготвува за финалниот сегмент од Лигата на нации, натпреварите на домашен терен против Летонија и против Фарски Острови.
Целта се две победи, а крилниот напаѓач Дарко Чурлинов вели дека нема поголема мотивација од настапот пред македонските фанови.
„Играме на домашен терен, тоа е огромна мотивација за нас. Ќе ги анализираме противниците и ќе се фокусираме на задачите од селекторот. Нема поголем предизвик од настапот за нашата репрезентација, сите веруваме во успех и добри резултати.
Натпреварите нема да бидат лесни, сите екипи денес се на исто ниво и сите знаат да играат фудбал. Мора да влеземе со максимална ангажираност, имаме голема самодоверба и сакаме на најубав можен начин да ја завршиме задачата, со две победи пред нашата верна публика“, изјави Чурлинов.
