Рубен Аморим од денес е официјално на чело на Манчестер Јунајтед, а веќе започна преговори со раководството за засилувања во јануарскиот трансфер период.
Еден од фудбалерите што е на неговиот радар е 33-годишниот капитен на Јувентус, Данило. Тој е во последната година од договорот со Јувентус, но би можел да го напушти клубот уште во јануари. Иако е капитен, Данило е во втор план поради младите играчи, и досега има започнато само три натпревари во Серија А оваа сезона.
Аморим го гледа Данило како добар избор поради неговото искуство, кое е потребно во дефанзивната линија на тимот. Искусниот бразилски репрезентативец, кој има одиграно 64 натпревари за Бразил, има богата кариера во клубови како Сантош, Порто, Реал Мадрид и Манчестер Сити.
