Судиската организација на Премиер – лигата поведе истрага против судијата Дејвид Кут откако се појави видео снимка на која тој користи навредливи зборови за Ливерпул и нивниот поранешен менаџер Јирген Клоп. Поради ова, Кут е суспендиран додека трае истрагата.
Судиската организација потврди дека Кут е суспендиран и нема да суди натпревари додека истрагата не заврши. Ливерпул во моментов е на првото место на табелата во Премиер лигата, со пет бода пред Манчестер сити по 11 одиграни кола.
Кут, кој ја судеше саботната победа на Ливерпул против Астон Вила со 2-0, е прикажан на снимката, за која се претпоставува дека е стара неколку години, како го нарекува тогашниот менаџер на Ливерпул „арогантен“. Дополнително, Ливерпул го нарекува со навредливи зборови.
Снимката е можеби направена по контроверзното реми меѓу Ливерпул и Барнли во 2020 година (1-1). Истрагата треба да утврди дали видеото е автентично или е можно да е креирано со помош на вештачка интелигенција, поради што ќе се анализираат сите факти.
