Тиквеш се пофали со ангажманот на Благоја Љамчевски

Второлигашот Тиквеш ги потврдува големите амбиции за влез во Првата лига. Откако минатата сезона не успеа и во моментот на прекинот не беше на лидерската позиција, раководството на Тиквеш уште поамбициозно се подготвува за новата сезона во Втората лига Исток.

Најзвучното име кое летово дојде во Кавадарци е Благоја Љамчевски. Тој доаѓа од Пелистер, а во минатото го носеше и дресот на Вардар. Дефинитивно ќе биде огромно засилување за Тиквеш во битката за влез во прволигашка конкуренција.