Горан Пандев е легенда на Интер, човек кој со клубот ја освои Лигата на шампионите, а тоа големите клубови не го забораваат. Италијанскиот шампион го покани македонскиот фудбалски ас како специјален гостин на „Итихад“.
Интер утревечер ќе го игра натпреварот против Манчестер Сити на отворањето на новата сезона во Лигата на шампионите, а Пандев е меѓу легендите кои ќе го бодрат тимот.
На вечерашниот официјален тренинг, дел од најдобрите фудбалери, капитенот Лаутаро Мартинез и Николо Барела, дојдоа да го поздрават Пандев кој ги следеше одблиску и им ја даде неопходната поддршка.
