Судењето против Манчестер Сити започна денеска, откако Премиер – лигата поднесе обвинение против клубот со 115 точки за прекршување на финансиските правила. Овој случај е нарекуван „случај на векот“, бидејќи може да има историски последици за англискиот и европскиот фудбал.
Периодот на прекршувањата ги покрива годините од 2009 до 2018 година, кога Сити освои три титули во Премиер – лигата. Обвиненијата вклучуваат прикажување лажни финансиски податоци и непотполно прикажување на платите, особено во случајот на поранешниот тренер Роберто Манчини.
Ако се докаже вината на клубот, Сити би можел да биде казнет со одземање на бодови или дури и исфрлен од Премиер – лигата. Судењето се очекува да трае неколку месеци, а пресудата би можела да биде донесена идната пролет, иако процесот би можел да се продолжи поради можни жалби од страна на клубот.
Пеп Гвардиола, менаџерот на Манчестер Сити, изрази поддршка за почетокот на процесот и рече дека клубот ќе ја прифати секоја одлука што ќе ја донесе независната комисија.
