Кинескиот фудбал го тресе невиден скандал. Дури 43 лица се доживотно суспендирани поради местење натпревари.
Меѓу нив се и кинески репрезентативци, а како што пренесуваат кинеските медиуми, ова е невиден скандал во светот на спортот. На прес-конференцијата било презентирано дека полицијата спровела двегодишна истрага.
Од 43 лица, дури 38 се фудбалери, а останатите пет се вработени во клубови.
Меѓу суспендираните се Јин Јингдао, Гуо Тианју, Гу Чао. Тука е и актуелниот репрезентативец на Јужна Кореја, Сун Јун-Хо.
Пекинг со години ја интензивира борбата против корупцијата во спортот, особено во фудбалот. Ова претходно резултираше со апсење на поранешниот претседател и потпретседател на Фудбалската федерација на Кина.
Останува да се види дали ќе има уште суспензии и апсења, бидејќи, како што истакна полицијата, се водат повеќе истраги за местење натпревари.
