Фудбалската репрезентација на Македонија го одработи официјалниот тренинг на арената „Тодор Проески“ во пресрет на утрешниот меч против Ерменија (20.45 часот), втор од новиот циклус во Лигата на нации. Стартот не беше нималку пријатен, реми (1-1) против Фарски Острови во Торшавн, па сега единствената опција за која размислуваат фудбалерите и селекторот Благоја Милевски е враќање на победнички колосек со триумф над Ерменците.
Милевски најави неколку промени во составот и истакна верба дека утре сите ќе видиме една нова, победничка Македонија.
