Кристијан Трапановски и Давид Бабунски имаат одличен старт на сезоната со Данди Јунајтед. Во Лига купот на Шкотска, тие постигнаа неколку гола и покажаа дека ќе бидат големи засилувања за тимот.
Во интервју за британски „Телеграф“, Трапановски вели дека е среќен како почна неговата одисеја во Шкотска, изрази задоволство што игра заедно во тимот со Давид Бабунски, а верува дека во блиска иднина заедно ќе заиграат и во репрезентацијата на Македонија.
„Првпат играм во ист тим со Давид, кој е одличен фудбалер за што доказ се и десетте години минати во Барселона. Верувам и посакувам вака заедно да играме и за Македонија. Се надевам дека селекторот Милевски ги следи нашите натпреварите на Данди. Пресреќен сум што постигнав веќе три гола за тимот“, изјави Трапановски.
