Вардар се засили со Кореецот Сеук-Гјун Ким и младиот Марио Костов

Најтрофејниот македонски клуб Вардар има уште две нови засилувања кои пристигнаа на подготовките во Словенија. Тоа се Кореецот Сеук – Гјун Ким и Марио Костов.

Корејскиот интернационалец има 22 години и ќе ја засили левата крилна позиција во тимот на Горазд Михајлов, додека 18-годишниот Марио Костов доаѓа од Брера. Се работи за млад и талентиран напаѓач.

Вардарци се наоѓаат на подготовки во Раденци, Словенија, а веќе договорија и два пријателски натпревари, против Динамо Загреб и против Свонси.