Најтрофејниот македонски клуб Вардар заминува на подготовки во Раденци, Словенија. Таму ќе биде одработен главниот дел од подготовките, а „црвено-црните“ ќе одиграат и неколку пријателски натпревари.
Вардарци ќе останат во Словенија до 27 јули, кога е планирано враќањето во Македонија.
Засега, „црвено-црните“ имаат едно ново засилување, дефанзивецот Филип Најдовски, но тренерот Горазд Михајлов најави дека во наредните денови ќе пристигнат уште неколку нови имиња. Тие веројатно ќе се приклучат директно на подготовките во Словенија.
