Бразилскиот интернационалец Кашемиро (32) би можел да го напушти Манчестер Јунајтед ова лето. Неколку богати саудиски клубови се во контакт со претставниците на Бразилецот веќе три месеци.
Јунајтед е подготвен да го пушти Кашемиро иако неговиот договор важи до 2026 година.
Тој дојде на „Олд Трафорд“ во 2022 година откако претходно беше член на Реал Мадрид, со кој освои сè што можеше. Сепак, во Манчестер Јунајтед не ги повтори игрите од „кралскиот клуб“.
Неговата вредност е проценета на 20 милиони евра, а клубот сака да ослободи дел од буџетот со продажба на фудбалери кои не се во прв план кај Ерик тен Хаг за следната сезона.
