Шведскиот ас Златан Ибрахимовиќ има 39 години, но се чини дека може да игра најмалку уште 4-5 сезони на врвно ниво. Го докажа тоа на „Дерби дела мадонина“, само неколку дена откако го победи коронавирусот излезе на теренот и му даде два гола на големиот градски ривал Интер за голема победа на Милан.
Раководството веќе размислува да му понуди договор за продолжување на соработката. „Росонерите“ се подготвени да го задржат „ѕверот на шеснаесетникот“ најмалку уште две сезони откако ќе истече актуелниот договор кој важи до крајот на оваа натпреварувачка година.
Златан по триумфот над Интер истакна дека би бил незадржлив ако сега има нозе на 30-годишно момче, но дека и вака е незадржлив за противниците.
