Фудбалерите на Шкендија го одработија последниот официјален тренинг пред утрешниот дуел со Јагиелонија, а потоа заедно со стручниот штаб упатија емотивна поддршка за својот соиграч Ване Крстевски.
Крстевски, кој неодамна заработи тешка повреда и ќе мора подолго време да паузира, доби силна порака од соиграчите кои се фотографираа со транспарент и дресови со неговиот број, во негова чест.
Гестот на тетовци уште еднаш покажа дека тимскиот дух и заедништвото се меѓу најголемите адути на Шкендија во пресрет на новиот европски предизвик.
