Реал Мадрид соопшти дека играчот од средниот ред, Аурелиен Чуамени, заработил повреда на левиот бутен мускул, поради што ќе го пропушти настапот за репрезентацијата на Франција на претстојните квалификации за Светското првенство против Украина (13 ноември) и Азербејџан (16 ноември).
„По прегледите извршени од медицинскиот тим на Реал Мадрид, на нашиот фудбалер Аурелиен Чуамени му е дијагностицирана повреда на бутниот мускул на левата нога. Ќе го следиме неговиот напредок“, стои во соопштението на шпанскиот клуб.
Ова доаѓа два дена по поразот на Реал Мадрид од Ливерпул со 1-0 во четвртото коло од Лигата на шампионите.
Иако не е прецизирано колку долго Французинот ќе отсуствува од терените, шпанските медиуми наведуваат дека ќе паузира околу три недели. Од почетокот на сезоната 2025/26, Чуамени е стандардeн првотимец на Реал Мадрид и досега одигра 15 натпревари во сите натпреварувања.
