Македонскиот фудбалски прволигаш Пелистер ќе бара нов тренер откако се раздели со Зоран Штерјовски. По низата лоши резултати и порази, Штерјовски одлучи да замине од „Тумбе кафе“. Притисокот од слабите резултати беше преголем и едноставно мораше да отстапи од функцијата.
Пелистер се наоѓа во опасната зона на табелата, а в среда му гостува на Работнички во 14.коло. Пелистер има кус период за да назначи нов стратег во пресрет на продолжението на шампионатот. Од битолскиот клуб доаѓа информацијата дека Димитар Капинковски ќе ја преземе работата со првиот тим до именувањето на нов шеф на стручниот штаб.
