„Златното момче“ на германскиот фудбал одлучи за првпат да ја напушти Бундес-лигата и потпиша договор со ПСВ Ајндховен. Марио Геце, поранешниот играч на Борусија Дортмунд и на Баерн Минхен, во наредните две години ќе биде адут во нападот на холандскиот клуб ПСВ.
„Ова е нова авантура во мојот живот, ПСВ Ајндховен е голем клуб во европски рамки, еден од легендарните клубови во Холандија. Го препознав проектот, решив да го прифатам предизвикот и верувам дека ќе имаме многу успеси во наредниот период“, изјави Марио Геце.
