Тренерот на Реал Мадрид, Зинедин Зидан, смета дека ремито (1-1) на домашен терен против Челси во првиот полуфинален меч од Лигата на шампионите е најреалниот епилог.
„Имавме многу подобро второ полувреме. Противникот започна брзо и силно, но мислам дека на крајот резултатот е фер. Сакавме да играме висок пресинг, но кога тоа нема да се направи многу добро, тогаш е тешко да се игра. Откако постигнавме погодок за израмнување, игравме многу подобро. Имавме многу поголема контрола над играта. Сè уште сме живи и одиме на реваншот со мислите за победа. Знаеме дека Челси игра добро во противничкото поле, имаат борбен тим, примаат малку голови. Не се случајно во полуфиналето на ЛШ“, изјави Зинедин Зидан.
Реванш натпреварот меѓу Челси и Реал Мадрид ќе се одигра на 5. мај во Лондон.
