Барселона продолжи да распродава бодови оваа сезона. Синоќа Алавес освои бод на „Камп Ноу“ по ремито 1-1.
„Многу лош резултат, сакавме да освоиме три бода пред нашите навивачи. Ова е лошо и неприфатливо за Барселона“, изјави Жорди Алба, еден од капитените на Барселона.
„Се обидуваме да ги надминеме овие тешки моменти, да бидеме подобри од натпревар во натпревар, но ни недостасува реализација. Мораме да напредуваме во сите сегменти од играта и потоа ќе има бодови и подобри резултати. Убеден сум дека ќе излеземе од кризата.”
Барселона во последните три кола освои само еден бод и по 11 одиграни натпревари во Ла Лига се наоѓа на деветтото место.
