Само неколку часа пред четвртфиналниот дуел во Лигата на шампионите меѓу Пари Сен Жермен и Астон Вила, Париз стана арена на насилни инциденти меѓу фанатичните фанови на двата клуба. Шокантни видеа од социјалните мрежи покажуваат како тензиите меѓу навивачите прераснуваат во брутални физички конфликти, кои се одвиваат директно пред бар во центарот на француската престолнина.
На снимките се гледаат летечки предмети, столчиња и чаши кои стануваат оружје во насилството што ја зафати групата навивачи. Првично, сè изгледало како сосема незначителна тензична размена меѓу поединци, но многу брзо ситуацијата ескалира, а група млади фанатици, со качулки, се втурнуваат кон повозрасните навивачи, што предизвикало сериозни нереди. Некои од нив не се двоумат да фрлаат пијалаци по своите противници, додека други користат столови и предмети од улицата како средство за напад.
Очевидци тврдат дека инцидентот бил исклучително тензичен, а интервенцијата на безбедносните служби и полицијата дошла со големо задоцнување. Но, и покрај хаосот на улиците, вечерва сите очи ќе бидат свртени кон „Паркот на принцовите“, каде што ПСЖ ќе ја започне својата битка со Астон Вила.
