Македонскиот интернационалец Давор Здравковски ја напушти Шкотска и се врати на Кипар. Тој потпиша договор со својот поранешен клуб, АЕЛ Лимасол.
Давор Здравковски со АЕЛ Лимасол во 2019 година ја освои куп-титулата на Кипар и значително придонесе за успесите на тимот во периодот 2017–2023, запишувајќи повеќе од 160 официјални натпревари. Во изминатите две години настапуваше во Шкотска, носејќи го дресот на Мадервил, каде одигра 62 натпревари во сите натпреварувања.
Трансферот ќе биде финализиран по успешно завршените медицински прегледи, објави клубот од Кипар.
