Новата сезона во Премиер – лигата започна со спектакл на „Енфилд“, каде Ливерпул славеше против Борнмут со 4-2. Но, резултатот овојпат беше во сенка на емоциите – овој меч беше првиот официјален настап на „црвените“ дома по трагичната загуба на Диого Жота.
По последниот свиреж, играчите застанаа пред трибините и се приклучија на навивачите во чест на Жота. Мохамед Салах беше најпогоден – со солзи во очите аплаудираше кон публиката и беше последниот кој го напушти теренот.
Салах и Жота поминаа пет години заедно во Ливерпул и создадоа блиско пријателство. Египќанецот својот гол против Борнмут го прослави на ист начин како Жота, испраќајќи последна почит кон својот соиграч и пријател.
