Женската А-репрезентација на Македонија поразена од Црна Гора

Женската фудбалска репрезентација на Македонија доживеа пораз (3-1) од Црна Гора на пријателскиот натпревар во Подгорица. Претходно, А-тимот загуби и од Албанија во Елбасан.

Јасна Ѓоковиќ донесе водство за домашната селекција во 14. минута, а израмни Илза Максути во 35. минута.

Но, во вториот дел Црногорките беа подобри и постигнаа уште два гола.

Јелена Карличиќ во 60. минута го врати водството за Црна Гора, а Јелена Вукадиновиќ четири минути пред крајот го потврди триумфот.