Капитенот на шпанската фудбалска репрезентација, Серхио Бускетс, се враќа во таборот на селекцијата на „црвената фурија“ на Европското првенство откако отсуствуваше поради инфекција со коронавирус. Федерацијата на Шпанија објави дека Бускетс бил негативен на последниот тестови за коронавирус и дека од денеска се враќа во репрезентативниот камп во Севилја.
Бускетс е во домашна изолација од 6 јуни. Тој не се очекува да игра на утрешниот меч од групата Е против Полска, а многу поверојатно е да биде во составот против Словачка во последниот меч од групната фаза на 23 јуни.
Диего Љоренте исто така го напушти таборот на шпанската репрезентација на 8 јуни, но тој се врати во кампот три дена подоцна откако беше утврдено дека ПЦР – тестот бил „лажно позитивен“.
