Аталанта го донесе Николо Заниоло на позајмица од Галатасарај, објави италијанскиот клуб. За позајмицата од една година, клубот ќе плати околу 6,4 милиони евра, плус дополнителни 2 милиони евра како бонуси. Договорот вклучува опција зделката да стане постојана за 15,5 милиони евра.
Заниоло, кој е дел од италијанската репрезентација, е сопственост на турскиот клуб од зимата 2023 година. Минатата сезона тој играше како позајмен играч во Астон Вила, каде одигра 39 натпревари и постигна три гола, но англискиот клуб не се одлучи да го откупи.
За националниот тим на Италија, 25-годишниот Заниоло има одиграно 19 натпревари и постигнато два гола.
