Струга Трим Лум оствари сигурен триумф (3-0) над Беласица и сигурно „плови“ во прволигашките води. Тренерот Срѓан Захариевски го истакнува задоволството од убедливата победа. Се беше полесно откако стружани на почетокот постигнаа два гола.
„Постигнавме два брзи погодоци на стартот и тоа го олесни продолжението од натпреварот. Потоа растоварени од психолошкиот товар беше полесно да се игра за нас. Одиме понатаму, не очекуваат следни предизвици, прв е куп-дуелот со Работнички“, вели Срѓан Захариевски.
