Марија Соле Фериери Капути ќе стане првата жена судија на фудбалски натпревар во Серија А. Таа е одредена да го суди натпреварот меѓу Сасуоло и Салернитана в недела. 31-годишната Капути е промовирана во елитната судиска категорија на италијанската лига за оваа сезона.
„Се соочуваме со историски момент по повеќе од 110 години. Им благодариме на оние кои веруваа во неа. Не даваме никакви привилегии, Марија Соле го заслужи овој чекор“, изјави Алфредо Тренталанџе, претседател на Судиската комисија на Италијанската фудбалска федерација.
Марија Соле Фериери Капути суди седум години, а сега првпат добива шанса и во Серија А.
