Пари Сен Жермен е согласен да го продаде голманот Џанлуиџи Донарума за 30 милиони евра. За 26-годишниот италијански репрезентативец интерес покажува Манчестер Сити.
Донарума е подготвен да ја продолжи кариерата во Премиер – лигата, а веќе постигнал принципиелен договор со новиот клуб.
Во меѓувреме, Манчестер Сити ги продолжува преговорите со Галатасарај. „Граѓаните“ се надеваат дека ќе најдат решение за трансферот на Едерсон, што претставува клучен услов за финализирање на зделката за Донарума.
Италијанецот веќе се прости со навивачите на „Паркот на принцовите“, иако не настапи на натпреварот против Анже во второто коло од Лига 1.
