Управниот Одбор при Фудбалската Федерација на Македонија доби допис од клубови од двете втори и од третите лиги, кои бараат прекин на сезоната во нивните рангови на натпреварувања, но и проширување на Првата лига од 10 на 16 екипи.
Потенцирајќи дека Ракометната Федерација на Македонија веќе се решила на сличен чекор, клубовите бараат ФФМ да го следи тој потег, па во следната сезона во елитното друштво да влезат по три екипи од Втората лига – Исток и Втората лига – Запад, а притоа да нема испаѓање ниту од Првата, ниту од двете втори лиги.
